-我期待-

暑假很多人都出外旅遊
大家都會向外跑　欣賞別人的風景
有幾多個人會仔細深入自己的居住的地方
認識她　欣賞她
我要做澳門自由行
呢幾日無人陪我玩
自擬了一份自由行計劃畫
自覺很完美




澳門８景之一：燈塔松濤
你見到咁多就係咁多
教堂入邊真係無乜好參觀
得個殼
去到齋影相
而且個景唔靚




８景之２：鏡海長虹
真係唔明點解佢會係８景之一
又唔可以去玩，淨係俾車行
而且一個普通的都市都會有一座橋
澳門這座橋有何獨到之處真係唔知



８景之３：媽閣紫煙
間廟太細
人多的時候幾乎無定企
而且我唔係善男信女
佢都唔會點保佑我
唔順路，唔去



８景之四：普濟尋幽
細個去過一次
不過唔係入去拜神
入左去之後我同世佬都病左
阿媽話關間廟事　雖然咁講有Ｄ牽強
不過細路仔都係唔好進出咁多
另外一些理由同上３



８景之５：三巴聖跡
作為澳門地標
佢又真係幾靚
我都幻想過以後結婚去戈度影婚紗照
很受祝福的感覺
以前聖保祿教堂的門口
去過真有上了一堂歷史課的感覺
好正
另外一座大教堂的不遠處竟然有一中國哪吒廟
形成很強烈的中西對比
這邊感受到奢華偉大的教堂之後
轉眼就來到中國味十足的哪吒廟
真是別一番風味



８景之６：盧園探勝
呢個地方去到怕
好中國園林的感覺
只係覺得規模有點細
有Ｄ景要大先有真實感
假山假池都仿造得好逼真
它的規模不時提醒你：這些是假的



８景之７：龍環葡韻
呢個地方真係好靚
保存至今的葡式住宅有很濃厚的異國風情
住宅內的裝潢令人感受到家的溫暖
如果有機會的話
真想可以在裡面住上一晚兩晚
或者和葡國人一起吃晚飯　傾聽他們的故事　學習他們的民歌或舞蹈
不過我唔係好識路去



８景之８：黑沙踏浪
名副其實的黑沙
除了沙是黑的　水是黃的以外
就是一個普通的沙灘了
不過正值８月烈日當空時節
去這種地方真是可免則免



因此有興趣的只是大三巴和龍環葡韻
另外　還想順便去盧家大屋
盧家大屋其實不算太大
但是入去裡面有如變身屋內的主人
幻想自己在這裡生活
很平靜的生活
有爹有娘還有丫環使喚（也許是我想太多了）
不錯的一間屋


基督教墳場
雖然是墳場　不過聽說那裡很美麗
我沒去過
但機會真想去探個究竟
大不了不照相就是了