-我期待-

婆婆過身

番大6

長時間沒有更新，有點兒感到不安，看一下日子，已是７月１４號了，不知不覺又過了半個月，卻不知道我幹了什麼成績出來，突然想到這裡，必定荒蕪得可怕，趕緊上來更新一下。

這半個月放鬆也放鬆夠了，不知是不是睡得太多，現在幾乎晚晚失眠，奇怪，白天明明就沒有睡很多，還是失眠，今晚干脆不睡了。其實這半個月也不算白過，現在正積極進修韓文，雖然興趣不大。還有記者，有興趣但無樂趣，的確有點悶，上了一堂社區問卷調查員，還是悶。又忐忑了半個月，心思思很想參加ｓｉｎｇ擂台，這的確是一個訓練膽識和應變能力的機會，重點是我想要賺那個落選的安慰獎金１０００大元，沒有錯，我是為了輸而參加的，事實上，也沒有能力贏。１０００大元重要，還是面子緊要？好矛盾好矛盾。１０００元買唔到我尊嚴，不夠買我放下自己身段的帳，雖然我沒有什麼身段，但我有尊嚴。不過人生又有什麼機會讓我展示下自己，雖然可能會丟臉，不過丟臉梗係要趁後生啦，男子漢大丈夫，要能屈能伸，現在不是講尊嚴的時候～況且，我都丟慣臉，分別只是在於在電視上丟臉會多些人知道。心思思心思思。

最近發覺自己比較少照鏡了，因為我要變成熟嘛。不過我一直想澄清，照鏡的人真的沒有自戀，我一直都不覺得自己自戀，反而覺得照鏡是一種自卑的表現。很明顯，我不是一個靚女，我很清楚這個真相，對自己的樣子也沒什麼好喜歡的。那麼究竟為什麼喜歡照鏡？因為醜女如我者，經常覺得自己不完美，一時一刻的逝去都害怕自己的樣子會走樣，上著課都害怕自己突然有眼屎鼻屎或者牙齒有條菜，真是很丟人的樣子。現在照鏡，還照多了一樣，就是看自己有沒有眼皮反彈，變單眼皮，有時會，單眼皮可能是某天發生的事，現在不管那麼多了。我要努力儲錢，努力使錢，使我的錢用得有價值，去唱ｓｉｎｇ擂台啦

阿魚七月一生日完  七月二係阿媽生日  仲要儲錢過七月十五  清埋條數  荷包真係乾枯  渣都無得剩啦  阿媽唔係啱啱先出左糧咩  咁快完曬  叫阿媽攞一定轟死  本來七一唔想去neway   不過費事係阿魚咁重視GE日子搞到佢黑面   窮之嘛  成日都咁窮GA啦  無錢可能瘦得快D   不過D河粉食左幾日  有D厭  聽日決定食飯  煎兩個荷包蛋又一餐  有時食緊野GE時候  鄧自己覺得心酸  過成咁都唔敢俾阿媽知  次次煮完食完都清乾淨擺番原位  阿媽有時見垃圾桶無飯盒  就質問起中午食咩  然後就話出左去食  我都唔想講大話  不過同佢講D錢用左係邊  佢一定唔信  咩世界  作個大話厄佢就信  真係發生GE事佢就唔信  暑期工我已經死心  不過就算唔係政府立左法例  我都覺得我係搵唔到  可能係以前搵暑期工多數都得個吉  我D信心就隨住D吉一個個跌曬落地  仲話想買呢樣想買戈樣  仲想話8月番鄉下行下  乜都未買已經負債累累  呢個月已經連本來用黎配con GE錢都用埋  真係越窮越見鬼  前幾排叫阿媽攞番個銀行戶口自己keep  本來以為資金可以比較鬆動  但係望住本簿D數字  突然間意識到  入面D數字每攞一次就會少一D  有減無增  最後取消左係銀行攞錢呢個念頭  先洗未來錢從來唔係我作風  都係有幾多洗幾多啦  勒緊褲頭  苦日子好快就會過去  呢排都唔洗帶銀包出街啦  你地邊個都唔使諗叫我去行街  我一定會拒絕  死心啦 

去sing擂台呢個念頭雖然好強烈  但係我本來就唔係一個適合舞台GE人  我真係驚去出醜  又唔識唱又唔識跳又唔靚  最後成為勝利者GE陪襯品  或者淪為被人取笑的醜角  雖然話有1000蚊  但係我覺得我GE尊嚴唔止值1000蚊  唉  又係我自尊心作祟  始終放唔低面子  如果我夠薑去  真係一個大突破  成日都同自己講話要變  唔想再俾人印象係細路女  因為覺得低B樣好蝕底  以前連打電話查詢下D野都唔敢  呢排我有嘗試去打電話  雖然還是怕怕的  人地一聽電話就唔知自己想問乜  三兩句就收線  不過起碼我有踏出第一步嘛  成長的膽怯與勇敢  我開始有點體會  下一步是放開自己  主動認識一個朋友  因為我身邊的你們  都係你地主動認識我  諗黎諗去都諗唔到一個朋友係我主動認識 

可能是看見別人成長的步伐  不禁為自己的步伐擔憂   好像還沒跨出去  以前我經常都話自己是活在自己的世界裡  現在應該進入別人的世界了  再為自己加一次油  我可以變得勇敢的

成長的目的…   當然是為了解決財政  雖然呢排我成日都講錢  不過我真的不是財迷心竅  除了以上的短暫原因  我還有長遠的原因  而且這個原因比起其它人想賺錢買自己的東西高尚多了  真的很想很想賺錢  我知自己在做什麼  至少我有信心自己不會變成一個眼中只剩下錢的蛋散(跟吳君如學)

成長  有時真的要和錢掛勾